Gaur musikoterapiari buruz hitz egingo dizuet. Musikoterapia, musikaren eta bere elementu musikalen (soinua, erritmoa, melodia eta harmonia) erabilpenean datza. Honek musikoterapeuta aditu batek burutu beharreko prozesu bat da eta talde edo paziente batekin burutzen da. Honen helburua komunikazioa, erlazioak, ikasketa, mugimendua, adierazpena, organizazioa sustatzea da, eta beste helburu terapeutiko batzuk ditu hala nola, behar fisikoak, emozionalak, mentalak, sozialak eta kognitiboak asetzea.
Baina kontu handiz ibili behar gara, zeren eta musikoterapia eta hezkuntza musikala oso ezberdinak dira. Oso ohikoa da gendeak termino hauek nahastea eta ideia oker batean daude murgildurik. 8 ezberdintasun egon daitezke termino hauen artean:
1. Hezkuntza musikaleak musika erabiltzen da helburu bat bezala (musikatresna bat jotzen irakasten dugu) baina musikoterapian, musika aldaketak eragiteko baliabide bezala erabiltzen da.
2. Hezkuntza musikalean, prozesua itxi eta hezigarri da curriculum batean oinarritua, eta musikoterapiaren prozesua, aldiz, irekia, experimentala, interaktibo eta ebolutiboa.
3. Hezkuntza musikalean edukiak gaietan antolatzen dira eta hauek curriculum-ean agertzen dira azalduta, aldiz, musikoterapiaren edukiak dinamikoak dira eta prozesuaren arabera joaten dira sortzen.
4. Hezkuntza musikalaren helburuak orokorrak eta unibertsalak dira baina musikoterapian helburuak indibidualak eta partikularrak dira.
5. Hezkuntza musikalaren ekintzak diseinatu egiten dira egitearen kalitatea hobetzeko baina musikoterapian, bakarrik hartzen da kontuan egitearen balio terapeutikoa.
6. Hezkuntza musikalean ez dira kontuan hartzen aurretiko ebaluaketa baizik eta guztiei modu berdintsu batean ebaluatzen zaie baina musikoterapian, kontuan hartzen da hasierako ebaluaketa eta ebaluatzen du jarri diren xede dinamikoen bidez aurretiko ebaluaketa egin ostean.
7. Hezkuntza musikalean prozesuaren arduraduna irakaslea da eta musikoterapian terapeuta bat.
8. Hezkuntza musikalean erlazioa ikasle-irakasle artean ematen da, non irakaslea edukien hornitzaile bihurtzen da, aldiz, musikoterapian, erlazioa musikoterapeuta baten eta bezero baten artean ematen da, laguntzazko alintza bat sortuz, hau da, edukiak bezeroak dauzka, ez terapeutak.
Baina, lasai dena ez da ezberdintasunak, euren artean ere hainbat berdintasun daude:
1. Biek erabiltzen dute musika lan egiteko funtzezko elementu bezala.
2. Biek erabiltzen dute musika hizkuntz eta komunikatzeko baliabide bezala.
3. Biek eratzen dute erlazio interpertsonal bat irakasle edo musikoterapeuta eta ikasle edo bezeroaren artean.
4. Biek ezartzen dituzte bete behar diren helburu batzuk.
5. Biek prozesu sistematiko bat erabiltzen dute, hau da, biek daukate asmoak, organizazioa eta erregulartasuna.
6. Biek proposatzen dituzte ejekuzio musikalak.
Eta honekin amaitutzat ematen dut sarrera hau, hurrengoan ere musikoterapiari buruz jarraituko dut hitz egiten.
Hurrengoarte!
OIHANE.
No hay comentarios:
Publicar un comentario